Баланың жан-жақты дамуы – психолог, тәрбиеші және ата-ананың бірлескен еңбегінің нәтижесі 🤍Біздің балабақшада психолог ата-анамен күнделікті тығыз байланыста жұмыс жүргізеді. Күнделікті жұмыс барысында: • ата-аналарға жеке және топтық кеңестер беріледі; • баланың мінез-құлқы, эмоционалдық жағдайы талқыланады; • тәрбиелеу мен қарым-қатынас бойынша пайдалы ұсыныстар айтылады; • балаға қолайлы психологиялық орта қалыптастыру жолдары түсіндіріледі.

Логопедтің ата-аналармен бірлескен жұмысы баланың сөйлеу тілін түзетуге және дамытуға бағытталады. Ата-аналарға баламен үйде жүйелі түрде орындалатын логопедиялық жаттығулар ұсынылады. Күнделікті жүргізілген жұмыс баланың дыбыстарды дұрыс айтуына және сөйлеу дағдыларының қалыптасуына көмектеседі. Бірлескен әрекет баланың сөйлеу дамуындағы нәтижені арттырады.

Логопедиялық жұмыста дидактикалық ойындар баланың зейінін, ойлауын, есте сақтауын және сөйлеу белсенділігін дамытуға тиімді құрал болып табылады. Ойын барысында бала тапсырманы қызығушылықпен орындай отырып, сөздік қорын молайтады және сөйлеу дағдыларын жетілдіреді. Дидактикалық ойындар баланың танымдық қабілеттерін дамытып қана қоймай, қарым-қатынас жасауға деген ынтасын арттырады. Осындай ойындар логопед пен баланың арасындағы өзара әрекетті жеңіл әрі нәтижелі етеді.

Қазақстан Республикасының Президенті Қасым-Жомарт Тоқаев «TURKISTAN» газетіне сұхбат беріп, онда ел дамуына қатысты бірқатар өзекті мәселелерді қозғады.Сұхбатында елдің әлеуметтік-экономикалық дамуы, заң мен тәртіптің маңызы, ұлттық құндылықтарды сақтау және білімді ұрпақ тәрбиелеу мәселелерін атап өтті.

Ересек «Жұлдыз» тобында Жаңа жылға арналған мерекелік кеш ұйымдастырылды. Бүлдіршіндер ертегі әлеміне саяхат жасап, өнерлерін ортаға салды. Шаттыққа толы мереке балаларға көтеріңкі көңіл күй сыйлады.

«Алматы – таза қала» акциясы аясында «Көңілді қақпақтар» бастамасы жүзеге асырылуда. Акцияның мақсаты – балаларды қоршаған ортаны қорғауға, тазалықты сақтауға және қалдықтарды дұрыс жинауға тәрбиелеу. Балалар қақпақтарды жинау арқылы экологиялық мәдениетін қалыптастырып, ұжыммен бірлесе әрекет етуге үйреніп жатыр. Бұл бастама табиғатқа жанашырлық пен жауапкершілік сезімін арттырады.

Ересек «Тұлпар» тобында 16 желтоқсан – Тәуелсіздік күніне арналған «Жасай бер, Қазақстан!» атты ертеңгілік өтті. Балалар шығармашылық тапсырмалар арқылы елге деген сүйіспеншіліктерін білдіріп, ән мен өлеңдерді орындады. Іс-шара барысында мемлекеттік рәміздерге құрмет көрсету, ұлттық салт-дәстүрлерді таныстыруға басымдық берілді. Ертеңгілік балалардың патриоттық сезімін арттыра отырып, қызықты әрі мазмұнды өтті.

«Кітап – асыл қазына» кітап оқу аймағы мектепалды балалардың кітапқа деген қызығушылығын арттыруға бағытталған. Бұл аймақта балалар ертегілерді тамашалап, суреттерді қарап, мәтінді тыңдау арқылы ой-өрісін кеңейтеді. Кітап оқу баланың тіл байлығын дамытып, дұрыс сөйлеуге үйретеді. Оқу аймағы балаларды ұқыптылыққа, кітапты қадірлеуге тәрбиелейді.