№181 бөбекжай-балабақшасында логопед маман ата-аналармен консультация өткізді. Кездесу барысында балалардың сөйлеу тілін дамыту жолдары түсіндіріліп, ата-аналарға қажетті кеңестер берілді. Ата-аналар өз сұрақтарына жауап алып, ұсыныстармен танысты.

Балабақшамызда ұлттық мерекеміз – Наурыз мейрамының бастамасы ретінде Көрісу күні аталып өтті.Бұл күн – адамдардың бір-бірімен қауышып, амандасып, жылы тілектер айтып, татулық пен сыйластықты нығайтатын ерекше дәстүрлі күн. Біздің Мектепалды “Көгершін” тобының балалары да қазақтың осы әдемі салтын көрсетіп, бір-бірімен көрісіп, үлкендерге құрмет көрсетіп, ізгі тілектерін білдірді.

8 Наурыз – Халықаралық әйелдер күніне орай балабақша ұжымы құттықталды.Мерекелік шара барысында ұжым мүшелеріне құрмет көрсетіліп, грамоталар табысталды. Әріптестер бір-біріне жылы лебіздерін білдіріп, ізгі тілектерін арнады. Мереке көтеріңкі көңіл-күйде өтіп, ұжымға ерекше қуаныш сыйлады.

Кіші «Балдырған» тобында 8 Наурыз – Халықаралық әйелдер күніне орай «Менің анашым» атты мерекелік ертеңгілік өтті. Мерекеде бүлдіршіндер аналарға арналған тақпақтарын айтып, ән шырқап, би билеп, өз өнерлерін көрсетті. Балалардың тәтті қылықтары мен шынайы құттықтаулары аналардың жүрегіне жылу сыйлады. Мереке көтеріңкі көңіл күйде өтіп, аналарға қуаныш пен ерекше әсер сыйлады.

«Ботақан» орта тобында аналарға арналған «Ана – аса қымбатты жан» атты мерекелік ертеңгілік өтті.Балалар өз өнерлерін көрсетіп, аналарына арналған өлеңдерін айтып, ән шырқап, би биледі. Мереке жылы көңіл-күйге толы болып, аналарға қуаныш сыйлады

2026 жылғы 25 ақпанда Алматы қаласы Білім басқармасының «№181 бөбекжай-балабақшасы» КМҚК базасында «Ойыншық – баланың жан дүниесінің айнасы» тақырыбында психологтарға арналған қалалық семинар ұйымдастырылды.Іс-шараның мақсаты – мектепке дейінгі ұйымдарда баланың эмоционалдық дамуын қолдау, ойын арқылы психологиялық ахуалды зерттеу, ойыншықтың бала тұлғасының қалыптасуындағы маңызын ашу және педагог-психологтердің кәсіби тәжірибе алмасуын қамтамасыз ету.

Бүгін балабақшада психолог ашық оқу қызметін өткізді. Іс-шара барысында балалардың эмоциялық көңіл-күйін сақтау және қолдау бағытында түрлі ойындар мен тренингтер ұйымдастырылды.Топ тәрбиешілері белсенді қатысып, мектепалды даярлық топтарымен бірлесіп жұмыс жүргізді. Бұл іс-шара балалардың өз эмоцияларын тануына, бір-бірімен дұрыс қарым-қатынас жасауына және психологиялық қауіпсіз орта қалыптастыруға бағытталды. Барлық қатысушылар үшін іс-шара қызықты әрі пайдалы өтті.

«Ересек Жұлдыз» тобында қауіпсіздік ережелері бойынша ұйымдастырылған оқу іс-әрекеті өтті. Балалармен қауіпсіз мінез-құлық туралы әңгіме жүргізіліп, арнайы жаттығулар мен ойындар ойнатылды. Ойын арқылы балалар күнделікті өмірде өздерін дұрыс ұстау, қауіптің алдын алу дағдыларын бекітті. Топта балалармен жүйелі жұмыс жүргізілді.

Бүгін Мектепалды "Көгершін" топ балалары серуен кезінде далада белсенді әрі қызықты іс-әрекеттермен айналысты. Балалар қармен ойнап, сурет салып, қимыл-қозғалысқа негізделген жарыстарға қатысты. Сонымен қатар, бірлесе отырып аққала жасап, өзара ынтымақтастық пен шығармашылық қабілеттерін көрсетті. Серуен барысында балалардың физикалық белсенділігі артып, қиялы мен ұжымда жұмыс жасау дағдылары дамыды. Осындай жұмыс жүргізілді.

Кіші «Ботақан» тобында Жаңа жыл мерекесі көңілді де әсерлі өтті. Балалар ән айтып, би билеп, Аяз атамен және ертегі кейіпкерлерімен жүздесті. Шаттық пен күлкіге толы бұл күн бүлдіршіндерге ұмытылмас әсер сыйлады.