Ересек «Тұлпар» тобында 16 желтоқсан – Тәуелсіздік күніне арналған «Жасай бер, Қазақстан!» атты ертеңгілік өтті. Балалар шығармашылық тапсырмалар арқылы елге деген сүйіспеншіліктерін білдіріп, ән мен өлеңдерді орындады. Іс-шара барысында мемлекеттік рәміздерге құрмет көрсету, ұлттық салт-дәстүрлерді таныстыруға басымдық берілді. Ертеңгілік балалардың патриоттық сезімін арттыра отырып, қызықты әрі мазмұнды өтті.

Мектепалды «Көгершін» тобында 16 желтоқсан – Тәуелсіздік күніне арналған тақырыптық іс-шара өтті. Іс-шара барысында балалар жапсыру әдісін қолдана отырып, қыран бейнесін бейнеледі. Бұл жұмыс балалардың шығармашылық қабілетін дамытып, Отанға деген сүйіспеншілігін арттырды.

Ересек «Жұлдыз» тобында 16 желтоқсан – Қазақстан Республикасының Тәуелсіздік күніне арналған «Жаса, бер Қазақстан!» атты мерекелік ертеңгілік өтті. Іс-шара барысында балалар елге деген сүйіспеншілігін өлең, ән және би арқылы көрсетті. Тәуелсіздік туралы түсініктері кеңейіп, мемлекеттік рәміздерге құрметпен қарау дағдылары қалыптасты. Ертеңгілік мазмұнды әрі әсерлі өтті.

«Кітап – асыл қазына» кітап оқу аймағы мектепалды балалардың кітапқа деген қызығушылығын арттыруға бағытталған. Бұл аймақта балалар ертегілерді тамашалап, суреттерді қарап, мәтінді тыңдау арқылы ой-өрісін кеңейтеді. Кітап оқу баланың тіл байлығын дамытып, дұрыс сөйлеуге үйретеді. Оқу аймағы балаларды ұқыптылыққа, кітапты қадірлеуге тәрбиелейді.