Балабақшамызда дене тәрбие нұсқаушысының ұйымдастыруымен «Елімнің рәміздері – елдігімнің айнасы» атты спорттық жарыс өткізілді. Балалар мемлекеттік рәміздер туралы білімдерін көрсетіп, түрлі спорттық эстафеталарға белсенді қатысты. Жарыс барысында ұйымшылдық, шапшаңдық және Отанға деген сүйіспеншілік сезімдері нығая түсті.

Балалар балабақшамен қимастықпен қоштасып, алғашқы білім ордасына алғыстарын білдірді.Көңілді сәттер, әсем әндер мен жылы естеліктерге толы ерекше күн болды 💛 Біздің түлектерімізге сәттілік тілейміз!

Балабақшамызда «Менің бақытты отбасым» атты сурет байқауы ұйымдастырылып, тәрбиеленушілердің шығармашылық жұмыстары көрмеге қойылды. Байқауға балабақшаның барлық топтары белсене қатысып, балалар өз отбасы туралы жылы сезімдерін сурет арқылы жеткізе білді. Әр жұмыс ерекше идеямен, шынайы махаббатпен және балалық қиялмен безендірілді.

Ересек “Тұлпар” тобының тәрбиеленушілері дене тәрбиесі оқу қызметінде белсенділік танытып, түрлі қимылды ойындар мен жаттығулар орындады.Оқу қызметі барысында балалардың ептілігі, шапшаңдығы және қимыл үйлесімділігі дамытылды.

Балабақшада қауіпсіздікті қамтамасыз ету мақсатында басқару жүйесі мен кіруді бақылау ұйымдастырылған. Сонымен қатар, ескерту жүйесі (дабыл түймесі) қарастырылған. Қауіпсіздікті қамтамасыз ету үшін күзет қызметі жұмыс істейді.

Балабақшада балалардың қауіпсіздігін қамтамасыз ету мақсатында барлық қажетті шаралар қарастырылған. Қауіпсіз орта Қазақстан Республикасы Үкіметінің 2021 жылғы 6 мамырдағы №305 қаулысының талаптарына сәйкес ұйымдастырылған. Балабақша аумағында бейнебақылау жүйесі орнатылған, барлығы 34 камера жұмыс істейді, олар ішкі және сыртқы аумақты толық қамтиды.

Балабақшада ерекше білім беру қажеттіліктері бар балалар үшін қолайлы жағдайлар жасалған. Психолог және логопед мамандарының кабинеттері жұмыс істейді, сондай-ақ тұзды шахта қарастырылған. Түзету-дамыту және денсаулықты нығайтуға бағытталған жұмыстар жүйелі түрде жүзеге асырылады. Балалардың жан-жақты дамуына, әлеуметтік бейімделуіне және толыққанды қалыптасуына қажетті қолайлы орта қамтамасыз етілген.

Балабақшамызда Ұлыстың ұлы күні – Наурыз мерекесі ерекше форматта, таза ауада, кең далада аталып өттіКөктемнің шуақты күнінде балаларымыз ұлттық киімдерін киіп, ән айтып, би билеп, ұлттық ойындар ойнап, қазақтың салт-дәстүрімен жақынырақ танысты.Наурыз – жаңару мен жақсылықтың бастауы! Баршаңызға молшылық, амандық және шаттық тілейміз!

Ғарышкерлер күніне арналған ұйымдастырылған іс-әрекетОртаңғы "Ботақан" тобында "Ғарыш әлемі" тақырыбында ұйымдастырылған іс-әрекет өткізілді. Балалар ғарыш туралы түсініктерін кеңейтіп, планеталар мен жұлдыздар әлемімен танысты. Іс-әрекет барысында тәрбиеленушілер акварель бояуларымен жұмыс жасап, өз қиялдарындағы ғарыш бейнесін суреттеді. Балалардың шығармашылық қабілеттері дамып, қызығушылықтары артты.

Материалдық-техникалық базаны жетілдіру мақсатында балабақша заманауи жабдықтармен қамтамасыз етілген. Оқу-тәрбие процесінде интерактивті құралдар, цифрлық технологиялар және дамытушы оқу материалдары кеңінен қолданылады. Топ бөлмелері мен оқу кабинеттері балалардың жас ерекшеліктеріне сай жабдықталып, тиімді білім беру ортасы қалыптастырылған.