2026 жылғы 25 ақпанда Алматы қаласы Білім басқармасының «№181 бөбекжай-балабақшасы» КМҚК базасында «Ойыншық – баланың жан дүниесінің айнасы» тақырыбында психологтарға арналған қалалық семинар ұйымдастырылды.Іс-шараның мақсаты – мектепке дейінгі ұйымдарда баланың эмоционалдық дамуын қолдау, ойын арқылы психологиялық ахуалды зерттеу, ойыншықтың бала тұлғасының қалыптасуындағы маңызын ашу және педагог-психологтердің кәсіби тәжірибе алмасуын қамтамасыз ету.

«Менің әкем – полиция қызметкері» республикалық сурет көрмесінің аудандық қорытындысы бойынша Токтаров Арлан бүлдіршініміз бас жүлдегер иегері болды.

Бүгін балабақшада логопед ашық оқу қызметін өткізді. Іс-шара барысында балалар ойнай отырып сөйлеу дағдыларын жетілдіруге арналған ойындар мен жаттығулармен айналысты.Мектепалды даярлық топтарымен топ тәрбиешілері белсенді түрде жұмыс жүргізіп, балалардың сөйлеу тілін дамытуға бағытталған әдістерді тәжірибеде қолданды. Іс-шара балалар үшін қызықты әрі пайдалы болып, сөйлеу дағдыларын дамытуда тиімді әдіс ретінде өтті.

Бүгін балабақшада психолог ашық оқу қызметін өткізді. Іс-шара барысында балалардың эмоциялық көңіл-күйін сақтау және қолдау бағытында түрлі ойындар мен тренингтер ұйымдастырылды.Топ тәрбиешілері белсенді қатысып, мектепалды даярлық топтарымен бірлесіп жұмыс жүргізді. Бұл іс-шара балалардың өз эмоцияларын тануына, бір-бірімен дұрыс қарым-қатынас жасауына және психологиялық қауіпсіз орта қалыптастыруға бағытталды. Барлық қатысушылар үшін іс-шара қызықты әрі пайдалы өтті.

«Ересек Жұлдыз» тобында қауіпсіздік ережелері бойынша ұйымдастырылған оқу іс-әрекеті өтті. Балалармен қауіпсіз мінез-құлық туралы әңгіме жүргізіліп, арнайы жаттығулар мен ойындар ойнатылды. Ойын арқылы балалар күнделікті өмірде өздерін дұрыс ұстау, қауіптің алдын алу дағдыларын бекітті. Топта балалармен жүйелі жұмыс жүргізілді.

Бүгін Мектепалды "Көгершін" топ балалары серуен кезінде далада белсенді әрі қызықты іс-әрекеттермен айналысты. Балалар қармен ойнап, сурет салып, қимыл-қозғалысқа негізделген жарыстарға қатысты. Сонымен қатар, бірлесе отырып аққала жасап, өзара ынтымақтастық пен шығармашылық қабілеттерін көрсетті. Серуен барысында балалардың физикалық белсенділігі артып, қиялы мен ұжымда жұмыс жасау дағдылары дамыды. Осындай жұмыс жүргізілді.

Баланың жан-жақты дамуы – психолог, тәрбиеші және ата-ананың бірлескен еңбегінің нәтижесі 🤍Біздің балабақшада психолог ата-анамен күнделікті тығыз байланыста жұмыс жүргізеді. Күнделікті жұмыс барысында: • ата-аналарға жеке және топтық кеңестер беріледі; • баланың мінез-құлқы, эмоционалдық жағдайы талқыланады; • тәрбиелеу мен қарым-қатынас бойынша пайдалы ұсыныстар айтылады; • балаға қолайлы психологиялық орта қалыптастыру жолдары түсіндіріледі.

Логопедтің ата-аналармен бірлескен жұмысы баланың сөйлеу тілін түзетуге және дамытуға бағытталады. Ата-аналарға баламен үйде жүйелі түрде орындалатын логопедиялық жаттығулар ұсынылады. Күнделікті жүргізілген жұмыс баланың дыбыстарды дұрыс айтуына және сөйлеу дағдыларының қалыптасуына көмектеседі. Бірлескен әрекет баланың сөйлеу дамуындағы нәтижені арттырады.

Логопедиялық жұмыста дидактикалық ойындар баланың зейінін, ойлауын, есте сақтауын және сөйлеу белсенділігін дамытуға тиімді құрал болып табылады. Ойын барысында бала тапсырманы қызығушылықпен орындай отырып, сөздік қорын молайтады және сөйлеу дағдыларын жетілдіреді. Дидактикалық ойындар баланың танымдық қабілеттерін дамытып қана қоймай, қарым-қатынас жасауға деген ынтасын арттырады. Осындай ойындар логопед пен баланың арасындағы өзара әрекетті жеңіл әрі нәтижелі етеді.

Ересек «Тұлпар» тобында Жаңа жыл мерекесі жоғары көңіл-күйде өтті. Балалар өз өнерлерін көрсетіп, ән айтып, би биледі. Мерекелік кеш қуаныш пен көтеріңкі көңіл күй сыйлады.