№181 бөбекжай-балабақшасының тәрбиеленушілері «Шын жүректен кітап сыйла» акциясына белсене қатысты.Балалар кітапқа деген сүйіспеншіліктерін көрсетіп, игі іске өз үлестерін қосты

Педагогикалық кеңестің мақсаты – білім беру процесінің сапасын арттыру, педагогтардың кәсіби құзыреттілігін жетілдіру және өзекті мәселелерді талқылау болды.Кеңес барысында келесі мәселелер қарастырылды: – білім беру қызметіндегі заманауи әдіс-тәсілдерді қолдану; – экологиялық тәрбие беру бағытындағы жұмыстар; – педагогтардың іс-тәжірибе алмасуы. Педагогтар белсенді қатысып, өз пікірлерін білдіріп, ұсыныстарын ортаға салды. Кеңес қорытындысы бойынша алдағы жұмыс бағыттары айқындалып, тиісті

№181 бөбекжай-балабақшасында логопед маман ата-аналармен консультация өткізді. Кездесу барысында балалардың сөйлеу тілін дамыту жолдары түсіндіріліп, ата-аналарға қажетті кеңестер берілді. Ата-аналар өз сұрақтарына жауап алып, ұсыныстармен танысты.

Мектепалды «Көгершін» тобында «Әжелер мектебі: Әжемнің өрнегі» атты тәрбиелік мәні зор іс-шара ұйымдастырылды. Іс-шараның негізгі мақсаты – балаларға ұлттық құндылықтарды дәріптеу, әжелердің тәрбиесін үлгі ету, сондай-ақ үлкенді сыйлауға, салт-дәстүрді құрметтеуге баулу.Іс-шараға тәрбиеленушілердің әжелері арнайы шақырылып, өз өнерлерін ортаға салды. Әжелеріміз қазақтың ұлттық қолөнері, ою-өрнек түрлері, олардың мән-мағынасы туралы әңгімелеп, балаларға өз тәжірибелерімен бөлісті.

Балабақшамызда ұлттық мерекеміз – Наурыз мейрамының бастамасы ретінде Көрісу күні аталып өтті.Бұл күн – адамдардың бір-бірімен қауышып, амандасып, жылы тілектер айтып, татулық пен сыйластықты нығайтатын ерекше дәстүрлі күн. Біздің Мектепалды “Көгершін” тобының балалары да қазақтың осы әдемі салтын көрсетіп, бір-бірімен көрісіп, үлкендерге құрмет көрсетіп, ізгі тілектерін білдірді.

8 Наурыз – Халықаралық әйелдер күніне орай балабақша ұжымы құттықталды.Мерекелік шара барысында ұжым мүшелеріне құрмет көрсетіліп, грамоталар табысталды. Әріптестер бір-біріне жылы лебіздерін білдіріп, ізгі тілектерін арнады. Мереке көтеріңкі көңіл-күйде өтіп, ұжымға ерекше қуаныш сыйлады.

Кіші «Балдырған» тобында 8 Наурыз – Халықаралық әйелдер күніне орай «Менің анашым» атты мерекелік ертеңгілік өтті. Мерекеде бүлдіршіндер аналарға арналған тақпақтарын айтып, ән шырқап, би билеп, өз өнерлерін көрсетті. Балалардың тәтті қылықтары мен шынайы құттықтаулары аналардың жүрегіне жылу сыйлады. Мереке көтеріңкі көңіл күйде өтіп, аналарға қуаныш пен ерекше әсер сыйлады.

Ересек «Тұлпар» тобында «Ана – өмірдің шуағы» атты мерекелік ертеңгілік өтті.Мерекелік шара барысында балалар аналарға арналған жүрекжарды өлеңдерін айтып, әсем әндер шырқап, би билеп өз өнерлерін көрсетті. Әрбір бала анасына деген сүйіспеншілігін, құрметін сахна арқылы жеткізе білді. Бұл мереке аналардың көңіліне қуаныш сыйлап, жылы әсер қалдырды. Көктемнің шуақты күніндей жарқын өткен кеш баршаға көтеріңкі көңіл күй сыйлады.

«Қош келдің, гүл көктем!» мерекесі мектепалды «Көгершін» тобында аталып өтті.Балалар өз өнерлерін көрсетіп, көктем туралы ән айтып, би билеп, көрермендерге қуаныш сыйлады.

«Ботақан» орта тобында аналарға арналған «Ана – аса қымбатты жан» атты мерекелік ертеңгілік өтті.Балалар өз өнерлерін көрсетіп, аналарына арналған өлеңдерін айтып, ән шырқап, би биледі. Мереке жылы көңіл-күйге толы болып, аналарға қуаныш сыйлады